Россия финанс министрлыгы яңа пенсия системасы турында игълан итте - “Әтнә таңы”

Бу хакта финанс министры Антон Силуанов "Россия 24" телеканалына хәбәр иткән. Дөрес, Россиянең финанс министрлыгы 2017 ел ахырын-2018 ел башын күз алдында тота. Моннан тыш, аның нинди булачагы турында да төгәл мәгълүматлар юк. Шулай да элек әйткәннәреннән чыгып күзалларга була. Әйтик, мәҗбүри туплау өлешен бетереп, шәхси пенсия капиталын булдыру идеясе белән чыкканнар иде. Ягъни, пенсия тупланмалары гроажданнарның шәхси милкенә әйләнәчәк, диделәр. Моннан тыш, мәҗбүри туплаудан 6 ел эчендә ирекле пенсия туплауга күчәргә тәкъдим иттеләр. Дөрес, бу очракта да туплау өлеше хезмәт хакыннан автоматик рәвештә күчерелә.