Россия Президенты ОСАГО буенча үз фикерен белдерде

Россия Президенты Владимир Путин ОСАГО полисының бәясе артуын икътисадый яктан мәҗбүри чара дип атады. Бу хакта ул Россия гражданнары белән булган турыдан-туры элемтә барышында белдерде. "ОСАГО бәясен арттыру карары Үзәк банк тарафыннан кабул ителде. Беренчедән, аның ставкасына 11 ел дәвамында коррекция ясалмады. Икенчедән, курска бәйле рәвештә запчасть бәяләре артты. Өченчедән, кеше сәламәтлеген һәм тормышын саклау бәясе дә үсте", - диде. Шул ук вакытта мондый очракларны вакытында башкарырга кирәк, ул вакытта әлеге кебек кинәт бәя артулар да булмас, дип билгеләде.