Россия төбәкләрендә грипп һәм ОРВИ белән авыручылар исәбе арта

(Казан, 27 декабрь, «Татар-информ»). Грипп һәм тын юлларының кискен вируслы инфекцияләре белән авыручылар саны Россиянең өч субъектында эпидемия чигеннән артыграк. Бу хакта мәгълүматны Роспотребнадзор сайты 27 декабрьдә таратты.

"Атналык эпидемик чикләрнең зур булмаган арттырылуы гомуми халык исәбе буенча: 13%тан 18%ка кадәр, Россия Федерациясенең өч субьектында теркәлгән. Күпчелектә мондый күтәрелеш балалар хисабына", - дип ведомствоны шәрехли "Риа Новости".

Узган атнада 2 меңнән артык кеше тикшерелгән дип билгеләп үтелә.

13 декабрьдә Роспотребнадзор Европада грипп активлыгы түбән дәрәҗәдә дип хәбәр иткән иде. Россиядә ачыкланган грипп өлеше 3% тәшкил итә. 8 декабрьгә барлыгы 66,5 миллион кешегә прививка ясалган, алардан 17 миллионы балалар һәм 169 меңе йөкле хатын-кызлар.

Чыганак: http://tatar-inform.tatar/news/2017/12/27/155072/