Тагын арттырдык

Татарстан авыл хуҗалыгы һәм азык-төлек министрлыгының 2 декабрьгә биргән оператив мәгълүматларына караганда, Әтнәдә тәүлеклек тулай савым 149 тоннага җитте. Алдагы көнгә карата +1 тонна булды.

Кемнең нинди күрсәткечне өскә чыгаруына карамастан, бер сыердан алган сөт күләме икътисадый үсешнең иң яхшы чагылышы ул. Ә Әтнәдә - республикада иң зуры! Бездә бер сыердан тәүлегенә уртача 21 килограмм сөт савалар. Икенче баручы Сабада 2 килограммга кимрәк савып алалар.