Татарстанда байлар белән ярлылар 17 тапкырлык тормыш аермасына ия - “Әтнә таңы”

Бу хакта республика профсоюзлары федерациясе җитәкчесе Татьяна Водопьянова хәбәр итә. Ул хөкүмәт җитәкчесен хезмәт хакының аз булуына игътибар итәргә чакырды. Ә бит Татарстан үсеше программасында кеше капиталын үстерү, гражданнарның тормыш дәрәҗәсен үстерү проблемасы да каралган. Аеруча текстиль сәнәгать һәм авыл хуҗалыгында бу мәсьәлә кискен тора. Әйтик 38 муниципаль берәмлектә уртача хезмәт хакы республиканыкыннан 30 процентка диярлек калыша. Шунысы кызык, минималь хезмәт хакы 5,7 процентка үссә дә, реаль хезмәт хакы6 процентка түбән тәгәрәде.