Татарстанда иң зур сан

Татарстан авыл хуҗалыгы министрлыгының сөт җитештерү буенча биргән оператив мәгълүматларында 28 февральгә республиканың 3401,1 тонна тулай савымга ирешүе турында хәбәр ителә. Әлеге сөтнең 6 процентка якыны - Әтнә өлеше! Бу көнгә районда тулай савым 201,5 тонна тәшкил итте. Узган елгыдан 18 тоннага артык, ягьни 110 %. Элеккечә үк тулай савымы 200 тоннадан артык булган 3 район бар. Болар - Кукмара, Балтач һәм Әтнә. Дөрес, Балтачныкы алдагы көннән азрак кимегән. Ә авыл хуҗалыгы җирләренең 100 гектарына карата Әтнә районында 377 килограмм сөт җитештерелә. Бу - Татарстанда иң зур сан.