2018 елда барлыгы 427 миллион сумга йөздән артык спорт объекты төзү планлаштырыла. (Казан, 28 гыйнвар, «Татар-информ», Динара Сираҗиева). Соңгы биш елда Татарстанда, төгәлрәк әйткәндә, 791 спорт мәйданчыгы сафка бастырылган. 2013-2017 елларда республикада универсаль спорт мәйданчыклары төзелеше программасына 1,8 миллиард сум акча тотылган. Шул исәптән, 44 миллион сум - федераль бюджеттан...
2018 елда барлыгы 427 миллион сумга йөздән артык спорт объекты төзү планлаштырыла.
(Казан, 28 гыйнвар, «Татар-информ», Динара Сираҗиева). Соңгы биш елда Татарстанда, төгәлрәк әйткәндә, 791 спорт мәйданчыгы сафка бастырылган.
2013-2017 елларда республикада универсаль спорт мәйданчыклары төзелеше программасына 1,8 миллиард сум акча тотылган. Шул исәптән, 44 миллион сум - федераль бюджеттан бирелгән.
2017 елда республикада 131 спорт объекты төзелде: 100 спорт мәйданчыгы, ясалма өслекле, чишенү урыннары һәм трибуналары булган 20 хоккей тартмасы.
Узган ел Татарстанда беренче тапкыр блок-модульле чаңгы базалары сафка бастырыла башлады. Бер елда 11 чаңгы базасы ачылды - 11 муниципаль районда берәр объект.
Спорт объектларын төзү программасы 2018 елда да дәвам итәчәк. Спорт мәйданчыклары, хоккей тартмалары һәм блок-модульле чаңгы базалары - барлыгы 113 яңа объект кулланышка тапшыру көтелә. Бу максатларга республика бюджетыннан 427 миллион сум акча бүленәчәк.
Фото: Т.Волкова
Нет комментариев