(Казан, 2 сентябрь, "Татар-информ"). Түбән Камада торак йорт янында ике эшче канализация коесында эшли. Шул вакытта, аларның берсе коедан чыгып барганда, аның өстенә руль артында хатын-кыз утырган "Ниссан Жук" машинасы менә. Бу хакта "Вести КамАЗа" яза.
Хатын-кызның автопарковкадан чыгып барышы була, ул башта - бордюрга, ә аннан соң коега менә. Фаҗига нәтиҗәсендә зыян күрүченең кабыргалары сына, ул хастаханәгә озатыла. Полиция хезмәткәрләре булган хәлләрне ачыклый. Эшчеләр кое тирәсенә киртә һәм кисәтү билгеләре куймаган була.
Чыганак: http://tatar-inform.tatar/news/2017/09/02/147533/
Нет комментариев