Әтнә - Арча хәрби комиссариаты - беренче

Узган елдагы эш нәтиҗәләре буенча, егетләрне хәрби хезмәткә җибәрү генә керми монда, учет та, хисап та, ветераннар, авыл җирлекләрендә халык белән эшләү дә, кыскасы барлык эшчәнлек буенча, Татарстан Республикасы Арча һәм Әтнә районнары хәрби комиссариаты республикада (хәрби комиссар - Алмаз Борһанов) I урын яулады. Тикшерү барышында Чаллы, Әлмәт, Түбән Кама кебек зур хәрби комиссариатлар да сынау узды. Ә безнекеләр иң югары баллны җыйдылар. Горурланырлык күрсәткәеч бу, шул ук вакытта зур җаваплылык та өсти. Чөнки Рәсәй дәрәҗәсендә дә бу югары бәягә тап төшермәскә кирәк булачак.