Әтнә егетләре хәрби әзерлек үтә

Быел да Каенсар урманында 10 сыйныфта укучы егетләр елдагыча хәрби әзерлек узачаклар.Әзерлек биш көн буе барачак. Егетләрне котларга Арча-Әтнә районнары буенча хәрби комиссар, подполковник Алмаз Борханов та килде.Биредә әзерлек үткән 27 егетнең 14 Әтнә авыл хуҗалыгы техникумыннан, ә калган 13 е - мәктәпләрдән. Тактик әзерлек, "Огневая", "Строевая", хәрби топография, радиацион химик куркынычсызлык буенча әзерлекне мәктәпләрнең ТИН укытучылары алып бара.Әзерлекнең соңгы көнендә егетләр Арча полигонында чын "АК-74" автоматыннан атып, зачет та тапшырачаклар.