Әтнә кызының фикере

Үзебезгә бик тә рәхәт чакта
Уйламыйбыз читләр кайгысын...
Таза белми авыру сызлануын,
Байлар белми ярлы сагышын.

Дөньясын да куып җитәр булып,
И чабыша эте..бете дә...
Аз чагында,тагын бераз дисең
Күп булса да җитми кешегә!!!

Шөкер итә белмәс саран затлар
Дус-туганны салып таптаган...
Андыйлардан рәхим-шәфкать көтмә!
Андыйларда иман калмаган.

Ике көнлек икән безнең дөнья
Урлашабыз...рәнҗеш җыябыз.
Искә төшкән чакта хәер биреп,
Гөнаһларны җиңел юабыз!!!
Гульфия Шигапова