Әтнә мәдәният йортларында "Бирегез мәйдан!" бәйгесе башланды

Әтнә мәдәният бүлеге авыл үзешчәннәре арасында "Бирегез мәйдан!" бәйгесен башлап җибәрде. Аның беренчесе Түбән Көек мәдәният йортында узды. Бәйгедә Югары Сәрдә, Каенсар, Дусым,Түбән Көек, Бәхтияр, Күлле Киме, Ары, Югары Көек,Олы Мәңгәр, Мәрҗән авылы үзешчәннәре катнашты. Номерларда чикләүләр юк иде. Киләсе атнада шундый ук бәйге Күңгәр мәдәният йортында узачак. Бәрәзә- Бәрәскә авыл җирлеге,Күңгәр авыл җирлеге, Яңа Шашы авыл җирлеге, Кышлау, Өҗем авылы җирлекләре, Яңа Әтнә авыл җирлеге үзешчәннәре катнашачак. Теләге булган һәркем өчен дә катнашу мөмкинлеге бар.