Әтнә мәктәпләрендә әхләкый тәрбия – беренче чиратта

Соңгы вакытта укучылар арасында башка сыймас очраклар турында ишетеп торабыз. Үзебезнең район җирлегендә дә мондый хәлләр ешайды. Әнә шуны күздә тотып, Олы Мәңгәр урта мәктәбендә әхлак темасына очрашу булып узды. Әти- әниләр каршында район мәгариф бүлеге җитәкчесенең тәрбия эшләре буенча урынбасары Рамил Шәйхетдинов һәм мәгариф бүлеге психологы Лидия Фазылҗанова чыгыш ясады. Очрашу барышында бала тәрбияләүгә кагылышлы мәсьәләләр күтәрелде, әхлакый һәм рухи тәрбиянең нечкәлекләренә дә басым ясалды. Шулай ук әти-әниләр психологтан бала тәрбияләүгә кагылышлы кызыклы киңәшләрне дә тыңлап уздылар.