Әтнә өстендә тавыш-тынсыз очкыч

Ни генә димәсеннәр, кешелекнең фән һәм яңа технологияләргә тартылуы дәвам итә. Күптән түгел, бер заряд белән 300 километр ара узарга сәләтле, энергияне кояштан алучы, тизлеге дә шактый булган автомобиль турында язган идек. Инде кояш батаресендә эшләүче самолет турында язарга була.

Американың шундый самолеты Тын океан өстеннән очып, Калифорниягә кайтты. Дөрес, аэродромга төшкәндә көчле җил комачаулык иткән. Самолет дөнья буйлап очышларын дәвам итә, инде Кытай, Япониядә булырга өлгерде. Иң кыен маршрут - Тын океан өстеннән очыш иде дип саныйлар. Киләчәктә Әтнә өстендә тавыш-тынсыз очучы очкыч күреп гаҗәпләнергә язсын иде...