Әтнә ветеранын Казан алкышлады

Габдулла Тукай исемендәге Татар дәүләт филармония концертлар залында сәхнә йолдызлары катнашында зур ретро концерт булып узды. Флюра Сөләйманова, Мирсәет Сөнгатуллин, Газинур Фарукшан кебек мәшһүр җырчылар белән берлектә әлеге концертта безнең якташыбыз, "Балкыш" фестивале лауреаты, Түбән Көек авылыннан 75 яшьлек Раузалия Хәкимова да чыгыш ясады. Аның чыгышын Казан тамашачысы аеруча җылы кабул итте. Коммунистлар партиясе җитәкчесе Хафиз Миргалимов барлык залда утыручы тамашачылар исеменнән Раузалия апага озын гомер , сәләматлек теләп чәчәкләр тапшырды.