Әтнәдә бәйсез этләр күбәйде

Урамыбызда чынлап та бәйсез этләр күбәйде. Иртәнге якта, караңгыда балалар мәктәпкә китә. Үзләрен генә чыгарып җибәрергә бик куркыныч... балалар гына түгел, сез язганча, үзебез дә 10-15 эт күреп куркып туктап калабыз. Көндезге якта да балаларны каршы ала алмыйбыз, чөнки без эштә. Араларында хуҗасыз этләр күбрәк. Алар урамыбызга басудан төшәләр. Чүп контейнерларын туздырып бетерәләр. Урамыбыздан да ерак китмиләр. Кайбер хуҗалыкларның капка төбендәге салам өемен оялары итеп, шунда үрчеп яталар. Башка урамнарда да шул хәл дип ишетәбез, аеруча амбар тирәләрендә күп дип әйтәләр.

Чара күрәсе иде бит!

Марсель Сәлимҗанов урамында яшәүчеләр.