Әтнәдә депутат җавап тотты

27нче май көнне "Бердәм Россия" сәяси партиясенең гражданнарны кабул итү бүлегендә Татарстанның Дәүләт Советы депутаты Закиров Ринат Зиннур улы җирле халыкны кабул итте. Биредә депутатка теркәлмәгәннәрнең үзара салым түләү тәртибе, авыл хуҗалыгы продукциясенә бәя түбән булу, районның мәшгульлек үзәгендә учетта торучыларга аз түләүләре, хәтта ни өчен сәгать теленең алга күчмәве белән кызыксынучылар булды. Депутат кайда җитди, кайда көлемсерәп диярлек, сорауларның берсен дә җавапсыз калдырмады.