Әтнәдә – иң зуры

Тәүлеклек тулай сөт саву буенча Әтнә өченче урынга күтәрелде. Татарстан авыл хуҗалыгы һәм азык-төлек министрлыгы 10 ноябрьгә биргән опреатив мәгълүматларга караганда, бу көнне безнең күмәк хуҗалыклар 144,5 тонна сөт саудылар. Ай башына карата +1 тонна бу. Өченче урын өчен барган көрәштә көндәшләрнеке, киресенчә, кимегән. Бүгенге көндә бары Балтач һәм Кукмарада гына тәүлегенә 170 тоннадан артык тулай сөт савып алда баралар.

Ә бездә бер сыердан уртача 20,4 килограмм сөт савалар. Бу күрсәткеч республикада иң зуры.