Әтнәдә ике пар аерылышкан

ЗАГС бүлегеннән алынган мәгълүматларга караганда, июль аенда районда 6 бала туган, аларның өчесе- кыз, өчесе - малай. Шулардан өчесе - гаиләдә беренче, икесе - икенче, берсе - өченче бала. Барысы 18 үлем очрагы теркәлгән, 9 ир-ат һәм 9 хатын-кыз. 7 пар язылышкан, 2 пар аерылышкан.

Ел башыннан барлыгы 51 бала туган - 27 малай һәм 24 кыз. Шулардан егерме икесе -гаиләдә беренче, егермесе - икенче, җидесе - өченче һәм икесе - дүртенче бала. 123 кеше бакыйлыкка күчкән - 57 ир-ат һәм 66 хатын - кыз. 23 пар язылышкан. 9 пар аерылышкан.

Чагыштыру өчен. Узган ел июль аенда 8 бала туган, 18 кеше үлгән. 7 пар язылышкан, 1 пар аерылышкан. Ел башыннан 55 бала туган, 148 кеше якты дөнья белән хушлашкан. 34 пар язылышкан, 11 пар аерылышкан.