Әтнәдә килодан артык авырлыкта...

Сезнең алда Олы Мәңгәр авылыннан Гөлшат Гарифҗанова үстергән "Розовый гигант" сортлы помидор. Бу сорт помидорлар бик зур булып үскәнен ишеткән бар иде, куру бәхетенә дә ирештек.

Гөлшатның помидоры үлчәүгә куйгач нәкъ тә 1 килограмм 200 граммны тартты. Тәмле, итләч помидорны орлыгын алу өчен аерып куйганнар. Гомумән, хуҗабикә утырткан помидорлар быел зур уңыш биргән. Ул алардан кышка салат һәм кетчуплар әзерләп куярга да өлгергән инде.

Сезнең бакчагызда да шундый табигать могҗизалары бардыр. Фотога төшерегез һәм безгә җибәрегез. Газетабыз сайтында без аларны бүтәннәргә дә күрсәтергә сүз бирәбез. Ә калганы әлегә сер булып калсын.