Әтнәдә кышка әзерлекне тикшерәләр

Көннәр суыта башлады. Җылы кирәк, өйдә дә, оешмаларда да җылыда утырасы килә. Булырмы тиешле җылы, ягулык системалары ни хәлдә, кышка әзерме алар?

"Безнең карамакта эреле-ваклы егермедән артык оешма бар, аларны җылыту безнең карамакта. Әзерләнәбез, бар да көйләнеп килә, операторлар имтиханнар тапшырып бетерде. Җаваплы җитәкчеләр дә имтихан тапшырабыз. "Ростехнадзор" белгечләре белән берлектә кичә мәктәп, клуб, башка оешмаларның ягулык системаларын карап чыктык. Вак-төяк кимчелекләрне тагын бер кат карап чыксак, берәү дә салкында утырмас", - дип ышандыра коммуналь хуҗалык җитәкчесе Рамил Сәфәров.