Әтнәдә октябрь аенда “микроперепись” уза – “Әтнә таңы”

Татарстанстат хәбәрләренә караганда, Россиядә ул 1-31 октябрьләрдә үтә. Анда Татарстаннан да 55 мең кеше катнашыр дип көтелә. Республикадагы барлык халыкның 1,4 %ы бу. Халык санын 139 кеше алачак. Алар торак йортларда булып, сораштыру кәгазьләре тутырачаклар.

Программада җенесне, яшьне сорау кебек гадәти сораулардан тыш, репродуктив планнар һәм аларны тормышка ашыру шартлары турында да сораячаклар. Шулай ук тормыш эшчәнлеген чикләүче авырулар хакында да сораштыралар.

"Микроперепись" Бәтенроссия сан алуына әзерлек буларак үткәрелә.