Әтнәдә - Район чыршысы

Әтнәдә мәктәп укучылары өчен бик матур "Яңа ел чыршысы" тамашасы күрсәттеләр.

Районның Мәгариф бүлеге, Укучылар йорты нык тырышкан. Кыш бабай, Кар кызы, Яңа ел һәм агымдагы ел символы - Маймыл килүне балалар бик яраттылар. Чөнки чара әкияти төсмер алган, монда алып баручы укучыларның тырышлыгын да билгеләп үтмичә калу гөнаһ булыр иде. Катлаулы сценарийны тамашачы күңеленә хуш килерлек итеп башкарып чыктылар, ул гына да түгел, залдан балаларны чакырып төрле уеннар уйнаттылар. Арада җыр-биюләр дә бар иде. Кыскасы, күңелле Яңа ел тамашасы булды бу. Моңа фотолардан күреп тә инана аласыз.