Әтнәдә Спартакиада башланачак

Әтнә спорт мәктәбендә шөгыльләнүче 2003-2004 елгылар арасында воллейбол түгәрәгенә йөрүчеләр республика беренчелегенә үткән ярышларда катнашу өчен Алексеевский районына китте. Тренерлары - Илдар Әхмәтов һәм Нәкыйп Мәгъсүмов. Бу уңайдан, шунсы игътибарга лаек, район воллейбол яратучылары арасында Әтнә воллейбол лигасын булдыру турында тәкъдим белән чыгучылар байтак икән. Спорт мәктәбе директоры Ирек Мөхәммәтшин әйтүенчә, шушы арада бу мәсьәлә хәл ителер дип көтелә. Димәк, ӘХЛ һәм ӘФЛ белән бергә ӘВЛ ярышларын да көтеп калабыз. Декабрь аенда шулай ук район оешмалары арасында спартакиада башланып китәчәк.