Әтнәдә “Уылдык-2016”

Татарстан Министрлар Кабинетының махсус карары нигезендә, 15 апрельдән 15 июньгә кадәр "Уылдык-2016" операциясе уздырыла. Бу хакта Татарстанның урман хуҗалыгы министры Алмас Нәзиров хәбәр итә. Карар нигезендә дәүләт табигать заказниклары да үз тармакларына караган акваторияләрдә балык тоту кагыйдәләрен бозу фактларына каршы көрәшәләр. Бу эш тәүлек әйләнәсендә башкарыла. Ә патруль рейдларында полиция хезмәткәрләре дә катнаша. Үз чиратында заказник хезмәткәрләре дә дәүләт органнары контроле астында булалар.