Әтнәдән Илсур абый Шакировның китабы дөнья күрде

Газетабызның якын дусты, укучыларның яраткан хәбәрчесе Илсур абый Шакировның "Авылым Олы Мәңгәр" исемле беренче китабы дөнья күрде. Әлеге китапка аның газетабызда төрле елларда басылган, авыл тарихына, кешеләренә багышланган мәкаләләре кергән. Автор китапны чыгаруда ярдәм иткән Әтнә үзәк китапханәсе коллективына , "Әтнә таңы" редакциясе колективына, "Мәңгәр" күмәк хуҗалыгы җитәкчелегенә, Олы Мәңгәр китапханәсе мөдире Гөлшат Гарифҗановага олы рәхмәтләрен җиткерә. Без дә үз чиратыбызда Илсур абыйны тәүге китабы белән котлыйбыз һәм киләчәктә иҗади уңышлар теләп калабыз.