Әтнәгә яңгырлар килә

Татарстан Гидрометеорология һәм әйләнә-тирә мохитне күзәтү идарәсе фаразларына караганда 16 сентябрьгә каршы төндә республиканың кайбер районнарында яңгырлар явачак. Төнге температура 6-11 градус җылы булачак.

Ә аңа кадәр, бүген - 15 сентябрьдә, Әтнә районында көзнең җылы, аяз һавасы хөкем сөрә. Бәрәңгесен алып бетермәүчеләр бәрәңге ала.

Татарстанда да бүген алмашынучан болытлы һава торышы саклана, явым-төшем күзәтелми, талгын җил исә. Көндезге һава температурасы 17-22 градус булачак.