Әтнәлеләр туфли алыгыз

Олы Әтнә авылының Тукай, Ударник, Пушкин урамнарында яшәүчеләргә бу киңәш. Ни өчен дигәндә, ышанмый да торгансыздыр, әлеге урамнарга асфальт җәелә башлаячак. "30 июльдән Тукай урамында эшли башладык, аннан соң Ударник урамына, иң соңыннан Пушкин урамына керәчәкбез. Бу өч урамга да башта ком, аннан таш, соңыннан асфальт җәеләчәк", - дип сөендерде ОАО "Татавтодор"ның Арча филиалы Әтнә участогы җитәкчесе Зөлфәт Нур улы Хәмитов. Башланган эш беткән эш, диләр. Игелеген күрергә язсын.