Алимент түләмәүче җаваплылыкка тартылды - "Әтнә таңы"

Арча һәм Әтнә районнарының суд приставлары бүлегендә алиментлар эзләп алу буенча 36 эш бар. Алар арасында алиментны вакытында, ай саен түләүчеләр дә күп. Кызганыч, суд карарын үтәмәүчеләр дә бар. Андыйларга каршы административтан башлап җинаять эшенә кадәр кузгатылырга мөмкин.

Алимент түләргә тиешле кеше3 көн эчендә суд приставына да, алимент алучыга да хезмәт һәм яшәү урыннары үзгәрү, өстәмә хезмәт хакы яки башка төр кереме турында хәбәр итәргә тиеш. Югыйсә РФ Җинаятьләр кодексының 157 маддәсе, 1 өлеше буенча җинаять җаваплылыгына тартылырга мөмкин. Быел 1 әҗәтле җаваплылыкка тартылды, тагын 2 эзләү эше ачылды.

А.К.Лутфуллин, Татарстан УФССПның Арча һәм Әтнә районнары буенча суд приставлары бүлеге начальнигы