Әтнәләр, балагыз иркә булмасын

Еш кына әти-әниләр иркәлек чиген аңламыйлар. Безнең Әтнә ягы халкы өчен дә бу бик актуаль проблема. Моны заманадан калышмау, модага иярү дип акларга тырышучылар бар үзе. Ай-һай, алай гынамы икән! Ә бит бала әти-әнисенә карата "бәгырьсез" булып үсә...

Ничек уйлыйсыз, нинди баланы иркә дип әйтеп була. Психологлар ярдәмендә шуны ачыклап карыйк. Иркәлекнең беренче билгеләре:

• бала үз хаталарын танымый;

• уңышсызлыкларын да танырга теләми;

• беркайчан да җиңелергә теләми, хәтта әти-әнисе белән бәхәстә дә;

• бик тиз "кызып китә";

• кимчелекләрен күрергә теләми;

• "Ала алмыйбыз" дигәнне беркайчан да кабул итми;

• беркайчан да һәм бернинди дә "чик"ләрне белми.

Балалар гына түгел, өлкәннәр арасында да бар андыйлар. Әмма андыйлар елдан-ел арталар. Иркәлекнең төп билгесе - кеше үзен һәрчак хаклы саный, һәрвакыт беренче булырга омтыла.