Әтнәләр, байыйсыгыз бар әле!

Татарстанда уртача хезмәт хакы арткан

Быелның гыйнвар-май аенда Татарстанда уртача хезмәт хакы 29 397 сумга җиткән.

Бу хакта Дәүләт статистикасы федераль хезмәтенең Татарстан буенча төбәк органы җиткерә. 2015 елның шушы вакыты белән чагыштырганда, кече эшмәкәрлек тармагын да кертеп, оешма һәм берләшмә хезмәткәрләренә хисапланган хезмәт хакы 7,9 %ка арткан.

Ләкин шул ук вакытта инфляцияне дә күз уңында тотып исәпләнгән реаль хезмәт хакының 1,2 %ка гына артуы күренә.

Дәүләт статистикасы федераль хезмәте мәгълүматларына караганда, Россиядә июньдә хисапланган уртача хезмәт хакы күләме 38 590 сум тәшкил иткән. Бу алдагы елга караганда 9 %ка күбрәк. Ярты елга арту 7,8 % тәшкил иткән. Әмма реаль хезмәт хакы узган елгы дәрәҗәсендә калган.

Чыганак:http://intertat.ru/tt/yanalyklar/item/60413-tatarstanda-urtacha-hezm%D3%99t-hakyi-artkan.html