Әтнәләр, Татарстанда һава торышы бозыла

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, 18 апрельдә, һава торышының көйсезләнүе көтелә. Синоптиклар фаразлавынча, иртән һәм көндез җилнең тизлеге 15-20 метр секундка җитеп көчәюе көтелә, яшенле яңгыр булуы ихтимал. Аерым районнарда көчле яңгыр явачак. Урыны белән томан төшәргә дә мөмкин. Татарстанда уртача һава температурасы төнлә - 3-8, көндез - 10-15 градус җылы булачак. Казанда шулай ук аязучан болытлы һава торышы хакимлек итәчәк. Көндезге һава температурасы - 12-14 градус җылы буоыр, дп фаразланыла. 19 апрельгә каршы төндә 7 градус җылы булачак.