Әтнәләр, тизлекне саклагыз

"Әлмәт таңнары"ннан алган хәбәрләргә караганда, 16 июнь көнне Казан-Ульяновск юлында 25 яшьлек шофер "Лада-Приора"сы белән кюветка төшә. Шофер үзе дә, 20 яшьлек кыз да алган имгәнүләрдән урында ук һәлак була. Сәбәбе шул - икесе дә куркынычсызлык каешларын эләктермәгәннәр. 17 яшьлек кызны исә, больницага озаталар.

Әлмәттә дә 25 яшьлек"Лада-Калина" шоферы авариягә очрый. Тизлекне арттыра һәм каршы яктагы юлга чыгып, гаражга килеп бәрелә. Каешын эләктермәгән 32 яшьлек ханым урында ук вафат була.