Әтнәләр, үзегез дә туплагыз

Россия финанс министрлыгы яңа пенсия системасын гамәлгә кертергә җыена дип язган идек. Инде аның белән бәйле рәвештә имеш-мимешләр туарга өлгергән. Имештер, аена 50-100 мең сумнан артык керемлеләргә пенсия булмаска да мөмкин. Минфин бу гаепләүләрне рәсми рәвештә кире какты.

Сүз банк яки дәүләтнеке булмаган инвестицион фонд аша формалаштырылучы өстәмә туплау компоненты турында гына бара. (Бу хакта язган идек инде). Министрлык мөмкинлеге булучыларга үз хезмәт хакыннан билгеле бер сумманы күчереп, пенсия капиталы формалаштырырга чакыра.