Әтнәләрдән тәмле кабартма

Тәмле кабартма
2 йомырка, 1 кап (11 грамм) коры чүпрә, 6 аш кашыгы үсемлек мае, 1 стакан сөт, 2 аш кашыгы шикәр комы, 500 г он, бер чеметем тоз.
Он, чүпрә, тозны кушарга. Йомырка, шикәр комы, үсемлек мае, сөт өстәп камыр басарга. Камырны җылы урында кабартырга.
Әзер камырны кечкенә шарчыкларга бүлгәләргә. Һәр кабартмага бармак белән басып тишек ясарга һәм майда кыздырырга. Кабартамалар өстенә шикәр оны сибәргә.
Резеда ХӘЙРУЛЛИНА, Әтнә районы, Үртәм авылы