Әтнәләргә бүләккә - китап

«Дәүләт советы депутаты, бөтендөнья Татар конгрессы рәисе Ринат Зиннур улы Закиров китапханәбезнең даими кунагы. Ул биредә район халкы белән очраша, халыкны борчыган сорауларга җавап бирә, китапханәдә эшләп килгән күргәзмәләр белән танышып, эшебез белән кызыксынып тора. Соңгы очрашу вакытында депутат китапханәбезгә татар әдипләренең Татарстан китап нәшриятында басылган китапларын алп кайткан иде. Әлеге 500 данә китап безнең өчен дә, укучыларыбыз өчен дә бик зур бүләк булды", - дип хәбәр итә Әтнә үзәкләштерелгән китапханәләр системасы директоры Алсу Әскарова.