Әтнәләр,тәгәрмәч алыштырыр чак җитте

Тәгәрмәч алыштырыр чак җитте

Көннәр сизелерлек җылытты. Күпләр кышкы тәгәрмәчләрне җәйгегә алыштыра башлады.

Белгечләр, төнлә температура + 5 градус сакланганда, тәгәрмәчләрне алыштырырга була дип саный. Сервисларда да тәгәрмәч алыштыру сезоны ачылган инде. Шулай да төнлә юлга чыгучыларга, гомумән дә һава торышының кинәт үзгәреп торуына бәйле рәвештә ЮХИДИ хезмәткәрләре ашыкмаска киңәш итә.

Законга килгәндә, бу хакта юлда йөрү кагыйдәләрендә берни дә әйтелмәгән. Дөрес, кышкы тәгәрмәчләр белән җәйге айларда ( июнь, июль август) йөрүне тыя торган закон гамәлдә. Кышкы көпчәкләр җылыда тиз эштән чыгуын да онытмаска кирәк.

Чыганак:http://shahrikazan.ru/