Әтнәнең халык театры уңышлы чыгыш ясады

Узган ялларда Габдулла Тукай исемендәге Әтнә дәүләт драма театры бинасында халык театрлары "Идел- йорт" театр фестиваленең икенче туры үтүе турында язган идек инде. Әлеге фестивальдә Балтач, Арча,Саба, Теләче районнарыннан халык театрлары коллективлары белән беррәттән районыбызның Олы Мәңгәр халык театры да чыгыш ясады. Фәнис Яруллинның " Бер күрешү - үзе бер гомер" әсәре буенча куелган спектакльдә Гөлсинә Шакирова, Илнур Шакиров, Рафик Сәләхетдинов һәм Алтынай Галимова катнашты. Халык театры артистларының чыгышын тамашачылар яратып кабул итте.