Янаган өчен – ел ярым

Октябрь аеның бер көнендә Әтнә үзәгендә электән таныш ике бәндә очраша.
Таныш булсалар да, бу икәү арасында шәхси күралмау була. Җитмәсә - берсе, элек хөкемгә тартылганы, салып та алган. Исерекнеке билгеле инде. Сүз ара сүз китеп, бәхәсләшә үк башлыйлар. Салмыш адәм кесәсеннән пычак чыгарып селтәнә башлый, үтерү белән куркыта. Икенчесе читкә китеп кала, ә аның дусты шунда ук полициягә хәбәр итә. Янаучыны тоткарлыйлар, җинаять эше ачылып, тикшерелә һәм судка җибәрелә.
Суд исә аны ел ярымга шартлы рәвештә ирегеннән мәхрүм итә.