Язмыш сиңа шулай язылган

«Нигә борчыласың, төкереп бир, -
Ташка кара белән басылган:
Синең өлешеңә тама гына, -
Язмыш сиңа шулай язылган.
Кемгә чишмә кебек чылтырап ага,
Агыр юлы тирән казылган.
Синең «бәхетеңә» чишмә корган, -
Язмыш сиңа шулай язылган.
Бөкреләрең билгә төшеп җиткән
Тормыш йөген өстерәп тартудан.
Сөяркәләр сиңа тәтеми шул, -
Язмыш сиңа шулай язылган...»
Зияратта читтә ялгыз түмгәк,
Кыек тора гади чардуган.
Мәрмәр ташлар, никтер, башкаларда, -
Язмыш Аңа шулай язылган.

Редакциядән. Якташыбыз, Олы Бәрәзә авылы егете, фольклорчы, Көнбатыш Себер татарлары музыкаль-поэтик иҗатын җыючы Илгиз Кадыйровның «Казан арты - Әтнә яклары» дип исемләнгән шигырьләр җыентыгы басылып чыкты. Илгиз абыйны истәлекле вакыйга белән котлап, алга таба да иҗат уңышлары телибез.