Юлларда балаларны саклыйк

Агымдагы елның 8 аенда республика юлларында барлыгы 2833 юл һәлакәте теркәлгән.
Фаҗигале һәлакәтләр нә­тиҗәсендә 266 кешенең гомере өзелгән. Иң аянычлысы - боларның 12се - балалар. Респуб­ликабызда балалар бе­лән бәйле фаҗигаләрне бул­дырмау максатыннан күп төрле чаралар үткәрелә. 21-28 сентябрь көн­нәрендә узган юллар­да имин хәрәкәт ат­на­лы­гы - әнә шуларның берсе. Атналыкның максаты - юлларда балалар белән бәй­ле юл-транспорт һә­лакәтләрен профилактикалау, аларны булдырмау. Шушы уңайдан, Әтнә Эчке эшләр бүлегенең ЮХИДИ бү­лекчәсе хезмәткәрләре район мәгариф бүлеге бе­лән берлектә белем бирү учреждениеләрендә укучылар һәм аларның әти-әниләре белән оч­рашулар үткәрәчәк. Оч­ра­шулар барышында юл хә­рәкәте куркынычсызлыгы буенча лекция­ләр укы­ла­чак, аңлату эшләре алып барылачак. ЮХИДИ­ хезмәткәрләре әлеге юнә­­лештә әти-әниләр бе­лән дә тыгыз элемтәләр бул­дырырга планлаштыралар. Укучыларның әти-әниләре катнашында "Әти-әни патруле" бер­­­ләшмәләрен булды­ру да күздә тотыла. Татарстан буенча Эчке эш­ләр бүлегенең ЮХИДИ бү­­­лекчәсе белгечләре ба­ла­лар белән килеп чык­кан һәлакәтләрнең төп сәбәпләрен ачыклаган. Болар - күз күремен кап­лап торган предметлар ар­тыннан кисәк кенә килеп чыгу, юлны тиешсез урында аркылы чыгу, юлга якын урында уен белән мавыгу, светофор таләпләрен үтәмәү. Сүз уңаеннан, статистика буенча иң фаҗигале көн булып пәнҗешәмбе санала икән. 15.00дән 16.00гә кадәр вакыт исә тәүлекнең юлларда иң күп һәлакәтләр килеп чыга торган вакыты.