Үзәк китапханә 35 исемдә газета-журнал алдыра

Өйгә бик теләсәк тә үзебезгә кирәк кадәр газета-журналлар яздырып алып укый алмыйбыз хәзер. Чөнки бәяләре тешли торганга әйләнде. Социаль челтәрдә һәр газета-журналның сайты бар анысы. Тик кәгазь вариантны алыштыра аламы соң алар? Юк билгеле, Нишләргә соң? Китапханәләргә барырга.

- Яңа китаплар даими кайтып торуга карамастан, агымдагы елның ярты еллыгына 35 исемдәге газета-журналларга язылдык. Вакытлы матбугат санын киметмәскә тырышабыз. Чөнки, газета-журналларны китапханәгә килеп укыйлар. Өлгермәсәләр аларны өйләренә дә алып китә алалар. Укучыларыбыз матбугатта көндәлек яңалыклар күп, кәгазь вариантыннан укыйсыбыз килә, дип әйтәләр. Ә без аларның теләген үтәргә тырышабыз...- диләр район үзәк китапханә хезмәткәрләре.