Бәрәскәнең паркы да йөрәкле!

Эшнең тукталганы юк, көнләшерлек итеп ял паркы ясап яткан мәлләре.

Авыл җирлегендә кем бар, барысының да өлеше керә бу эшкә. Кайсы техника белән эшли, кайсы тырма-көрәк тота, чистарта; шушы көннәрдә җыйнаулашып паркта күпьеллык куаклар, чәчәкләр утырттылар алар.

- Бергәләп эшләү берләштерә дә, авылның киләчәген кайгыртырга да, көндәлек мәшәкатьләр, проблемаларны белергә дә булыша. Парк буласына ышана башладык инде...- ди Түбән Бәрәскә  авыл җирлеге башлыгы Аида Фатыйхова.

А.Фатыйхова фотолары