Төртеп тә егарга күп сорамыйлар

     Гуманлы илебез барыбызны да кайгыртып кына тора. Шул сәбәпле этләрне дә. Алары исә аеруча кадерле бахырлар. Атарга да ярамый аларны. Сессияләрдә көн тәртибенә куя–куя кайгыртканны белеп торалар диярсең. Үз хокукларын яхшы беләләр, бурычларын да...

    Кайтып киләм эштән соң. Олы Әтнә урамының утсызрак өлеше. Хәл китеп азрак тизлекне киметтем ахыры, артымнан нидер килеп төртте. Ни булырга мөмкин, берәр бала дисәң дә, дип борылсам – ике эт! И шатланганымны күрсәгез... чынлап шатландым бер мәлне, бозау кадәрләре түгел, азрак кечерәкләр, үзем кебекләре... куркырга исәпләре дә юк, торабыз карашып, үзәк урам...

Телефонымны алып фотога төшердем, китәргә уйлап та карамыйлар, киресенчә. Берсе сизде ахыры эшне, китү ягын карады. Ә берсе белән янәшә кайттык. Барсам бара, туктасам туктый...
Көндез дә еш очрый мондый дуслар, ничек саклану чараларын өйрәнсәк кенә инде... башка юлы күренми бугай.

Куркыта башлады...

Автор фотолары