Иң яхшы иҗади проект

Татарстан Республикасы мәдәният министрлыгының Өстәмә һөнәри белем бирү институты "Иң яхшы иҗади проект" бәйгесе игълан иткән иде.

Бу республикакүләм бәйге язучы И.А.Бунинга 150 ел тулу уңаеннан Нобель премиясе лауреатларын таныту (популярлаштыру) максаты белән оештырылды.

Бәйгегә районнан китапнамә (буктрейлер) номинациясе буенча үзәк китапханә, Күәм, Чишмәле Сап, Яңа Шашы китапханәләре эшләре тәкъдим ителде.

Яңа Шашы авылы китапханәчесе Нәҗмиева Надия Коттус кызының эше җиңү яулап 1 дәрәҗә диплом иясе булды.

Җиңүче һәм бәйгедә катнашучылар истәлекле бүләкләр белән бүләкләнделәр.