Онлайн Сабантуй кара һәм тәкә от!

4 июльдә, Сабан туе ТНВ телеканалында онлайн форматта уткәрелә. Телеканал традициягә тугры калып, бу көнне тәкә уйната. Бу турыда оештыручылар хәбәр итте.

«Бәйрәмнең йөзек кашы — тәкәсез күз алдына да китереп булмый. Шуңа күрә, телеканал традициягә тугры калып, бу көнне тәкә уйната. Һәм иң шәбе: анда һәркем катнаша ала. Уенның шартлары 4 июль телемарафон вакытында хәбәр ителәчәк», диелә хәбәрдә.

«Җырлы-моңлы Сабантуй» телемарафоны 8:10 сәгатьтә башланып, көн дәвамында алып барылачак. Котлау-сәламнәрен төрле район вәкилләре, танылган шәхесләр, эстрада җырчылары җиткерәчәк. Бу көн бәйрәм тапшыруларына, концертларга бай булачак.

«Яңалыкларны күзәтеп барыгыз, катнашыгыз. Бәйрәм белән», дип мөрәҗәгать итә оештыручылар.

Чыганак: https://tatar-inform.tatar/news/tatar_world/03-07-2020/tnv-telekanaly-sabantue-k-nne-t-k-uynata-5754284