Ирләр һәм хатыннар намазы нәрсә белән аерыла?

1️⃣ Ирләр намазга керешкәндә тәкбир әйтеп кулларын колак йомшакларына, ә хатын-кызлар иңбашлары турысына кадәр генә күтәрәләр.
⠀
2️⃣ Намазга керешер өчен, кул күтәргәндә ирләрнең куллары ачык була, ә хатыннарныкы җиңнәре эчендә каплаулы була.
⠀
3️⃣ Ирләр - кыямда кулларын баглап кендекләре астына, ә хатыннар күкрәкләре өстенә куялар.
⠀
4️⃣ Рөкүгъта ирләр тезләрен бөкмиләр, ә хатыннар бөгебрәк торалар.
⠀
5️⃣ Рөкүгъта иелеп тезләргә таянып торганда ирләрнең кул бармаклары арасы ачык була, ә хатыннарныкы ябык була (ягъни бармакларны җәймиләр)
⠀
6️⃣ Сәҗдә вакытында ирләр корсакларын, ботларын һәм беләкләрен намазлыкка яки кабыргаларына тидермиләр. Ә хатыннар кысыбрак сәҗдә кылалар.
⠀
7️⃣ Кагъдә вакытында ирләр уң аякларын бастырып бармакларын кыблага таба каратып куялар, ә сул аякларын яткырып аның өстенә утырталар. Хатыннар ике аякларын да уң якка чыгарып аяк башларын кыйблага таба каратып, сул як очлары белән җиргә утыралар.
⠀
8️⃣ Ирләр фарыз намазларын азан, камәт әйтеп, имам һәм җәмәгать белән укыйлар. Хатыннар өчен азан һәм камәт тиеш түгел, чөнки хатыннарның имам булып намазны җәмәгать белән укытулары - мәкруһ.
⠀
Язма «Хозур» НЙ нәшер иткән «Гыйбадәте исламия» китабыннан алынды.