Милли орнаментлы брошь ясый беләсезме?

Әлеге чарага китап укучы әниләр балалары белән бергә чакырылган. Чара башында баш китапханәче Гыйләҗева Рүзилә Мәхмүт кызы гаиләдәге рухи һәм әхлакый кыйммәтләр турында, ата-бабалар тәҗрибәсе һәм тәрбиясе, гаилә мөнәсәбәтләре, үрнәк гаиләдәге гореф-гадәтләр турында сөйләп үтте. Кичәгә килгән кунаклар өчен китапханәче Йолдыз Ногманова  милли орнаментлы брошь ясау осталык дәресе күрсәтте. Кичә фикер алышу, җылы аралашу белән бик күңелле үтте.