Иҗат
Кеше йөрәге таш түгел
Гөлфия Шиһапова, Олы Әтнә авылы
Кеше йөрәге таш түгел
Анда бар да сыяла...
Күтәралмас сүз ишетсә
Сыкрый-сыкрый сызлана.
Башкаендагы уйлардан
Кысылып куя ала...
Төзәлде генә дигәндә
Кузгала ала яра.
Тирә юньдәгене уйлап
Борчыла...ямансулый...
И...бу йөрәк дигәннәре
Хич тә тынычлап тормый.
Бар да яхшы булганда да
Гел сакта тора әле...
Бигрәк тынгысыз икән лә
Бу кешенең йөрәге.
Следите за самым важным и интересным в Telegram-каналеТатмедиа
Нет комментариев