Әтнә таңы

Яраларым әрни сулык- сулык...

Шигырь яратучылар өчен.

Бураннар кайтавазы

Дөнья күзе булган тәрәзләрне
Бу бураннар сукырайтты бугай:
Сарды өлгеләргә, түбәләрдән
Шуыша еланнарның юхасыдай.

Җаннарыма кага шаштырырдай,
Күңелемә өя ямансулык,
Барлык халәтемне биләп алды,
Яраларым әрни сулык- сулык...

Йөрәгемне шул буранга ачтым:
Ак карлары белән томаласын
Сагыш саркып торган җәрәхәтне,
Кара уйларымны куаласын.

Өшетсен дә хәтер- хатирәне,
Йозак салсын газаплы хисемә...
Бурандагы тәрәзәләр кебек
Томалансын! Төшмәсен исемә!
Рүзия Камаева,
06.01.19

Реклама

С.Мингатина фотосы

Нравится
Поделиться:
Реклама
Комментарии (0)
Осталось символов: